د نړیوالې ټولنې څخه غوښتنه: مهرباني وکړئ د افغانستان د زلزلې له قربانیانو سره مرسته وکړئ

قدرمنو آغلواو ښاغلو 

افغانستان له څو لسیزو راهیسې له کړاوونو او ناورینونو سره مخامخ دی. دغه هېواد بیا بیا د جګړې، هوایي بریدونو، ظلم، فقر، ناروغیو او طبیعي افتونو لکه زلزلو، سیلابونو او اوږدمهاله وچکالیو له امله ځپل سوی دی

په ۳۱ د اګست، ۲۰۲۵ نېټه، یو بل ناورین رامنځته سو: په  ختیځ افغانستان کې زورورې زلزلې ډیری سیمی ولړزولې. دې طبیعي ناورین سخت انساني او مالي زیانونه اړولي دي. تر ۸۰۰ زیاتو کسانو خپل ژوند له لاسه ورکړی دی، او شاوخوا ۳۰۰۰ تنه ټپیان سوي دي. ګڼې کورنۍ بې کوره سوي او اوس له نامعلوم راتلونکي سره مخامخ دي

په دې بحراني حالت کې، موږ له نړیوالې ټولنې څخه په جدي توګه غوښتنه کوو

مهرباني وکړئ د افغان ولس ترڅنګ ودریږئ او د زلزلې له قربانیانو سره مرسته وکړئ.
هر ډول مرسته – که هغه بشري، طبي یا مالي وي – کولای سي د انسانانو ژوند وژغوري او امید بیا را ژوندی کړي

موږ ستاسو د پاملرنې او همدردۍ له امله له وړاندې مننه کوو

په درناوي